အနာဂတ်သာသနာရေး အပိုင်း(၁၃၃) ဘုန်းကြီးပျံ, သတိပြုဖွယ်တွေ

ဘုန်းကြီးပျံ

ရွာဦး ရွာထိပ်၌  ကြည်ညို ကိုးကွယ်ထားသော ဘုန်းတော်ကြီးတစ်ပါး ပျံလွန်တ်ာမူရာဝယ် ရပ်သူ ရွာသားတို့ လွမ်းဆွတ်မှု ပြေပျောက်အောင် သူ့ထက်ငါ အားကျ၍ နောက်ဆုံးပူဇော်ကြခြင်းကို အပြစ်မဆိုလိုပါ၊ သို့ရာဝယ် အသည်းအသန် မမာတုန်းက ပျံလွန်မည့်ပုဂ္ဂိုလ် စိတ်ကျေနပ်အောင် ဆရာကောင်း ဆေးကောင်း ဓာတ်စာကောင်းတို့ဖြင့် မကုသ, မပြုစုကြဘဲ ပျံလွန်ခါမှ ရာပေါင်း ထောင်ပေါင်း သောင်းပေါင်းများစွာ အကုန် အကျခံ၍ ပူဇော်ခြင်း၌ အကျိုးရှာမရသည့်အပြင် ၀မ်းနည်းဖွယ်ကို သာ မြင်နေရပါတော့သည်။

          ထင်ရှားစေပါဦးမည်…ဤစာကို ရေးရာနှစ်ကို ထောက်၍ လွန်ခဲ့သော ကိုးနှစ်လောက်က နာမည်ကျော် ဆရာတော်ကြီးတစ်ပါး အတော် စိုးရိမ်ရလောက်အောင် မကျန်းမမာ ဖြစ်၏၊  ဟိုက သည်က ဆေးအတွက် လှူကြသည်မှာ (၄၀)ကျော်တန်မျှသာ ရှိ၏၊ သို့ရာဝယ် ကံကောင်းလှ၍ ပျံတော်မမူသေးပါ၊ အကယ်၍ ပျံတော်မူပါလျှင် ထိုဒကာ ဒကာမ တပည့်တပန်းတို့ လေးရာမက လေးထောင်ကျော် အောင် အကုန်အကျခံ၍ ဘုန်းကြီးပျံပွဲ ဆင်နွှဲကြပေလိမ့်မည်။

          ထိုကဲ့သို့ အကုန်အကျခံကြရာ၌ ဆရာသမား၏ဂုဏ်ကို ရည်စူး ကြခြင်းထက် ဂုဏ်ပကာသနနှင့် ရပ်သူရွာသားတို့၏ အပျော်အပါး အတွက်သာ ပဓာနဖြစ်သည်ဟုဆိုလျှင် အရမ်းစွပ်စွဲရာ ရောက်မည် မထင်။

          ဘုန်းကြီးငယ်စဉ်က မြောက်ကျောင်းမှာ သက်တော်ကြီး ဘုန်းကြီးနှစ်ပါး ဆက်၍ ပျံလွန်တော်မူ၏၊ ထိုအခါ ဘုန်းကြီးတို့ ကျောင်းက ကျောင်းသားတွေ စာအံရင်း ပျင်းပျင်းရှိတာနှင့် ပြောကြသည်မှာ…သူများကျောင်းက ဘုန်းကြီးတွေတော့ ခဏခဏ ပျံတော်မူကြတယ်၊ ငါတို့ကျောင်းက ဘုန်းကြီးများတော့ တစ်ပါးမှ ပျံတော် မူဖော်မရဘူး၊ ခုနှယ် တစ်ပါးလောက် ပျံတော်မူလျှင် ဘယ်လောက် ကောင်းမလဲ” ဤသို့ ကျောင်းသားတွေ ပြောနေသံကို ဘုန်းတော်ကြီး ကြား၍ များစွာ ကြိမ်းမောင်းတော်မူသည်။

အရိုးအိုးစေတီ

ထို့ပြင် အသက်ထင်ရှားရှိစဉ်က အလွန်အကြူး ရိုသေ လေးစားမှု မပြုကြဘဲ အရိုးကျမှ အရိုးအိုး စေတီတည်ထားခြင်းလည်း နည်းလမ်းမကျလှ၊ ထိုတည်ထားပြီးသော အရိုးအိုးစေတီကိုလည်း မည်သူမျှ အရေးတကြီး မကိုးကွယ်ကြ၊ နှစ်ပေါင်းအတော်ကြာသော် ဘုန်းတော်ကြီးအရိုး လူအရိုး ခွဲခြား မရသည့်အပြင် ဓာတ်တော်ဌာပနာထားသော စေတီတော်များနှင့်လည်း ထူးမခြားပင် ဖြစ်နေတော့၏။

မဟာပရိနိဗ္ဗာနသုတ် ပါဠိတော်၌ “မြတ်စွာဘုရား, ပစ္စေကဗုဒ္ဓါ, ရဟန္တာနှင့် စကြာမင်း ဤပုဂ္ဂိုလ်လေးပါး၏ အရိုးများကိုသာ စေတီ တည်၍ ပူဇော်ထိုက်သည်”ဟု ဟောတော်မူ၏၊ [စကြာမင်းသည် သူ့ခေတ်နှင့် သူ့အခါ သတ္တ၀ါအကျိုးကို အလွန်ဆောင်သွားသော တရားမင်းပေတည်း၊ တစ်လောကလုံးမှ တစ်ယောက်သာ ဖြစ်နိုင် ရကား ထူးဆန်းသောအရာလည်း ဖြစ်၏၊ ထို့ကြောင့် စေတီတည်၍ ကိုးကွယ်ထိုက်သူတို့တွင် စကြာမင်းလည်း ပါဝင်ရသည်။]

          ပုထုဇဉ်ရဟန်းများ၏ အရိုးကို စေတီတည်ထားဖို့ရန် ဗုဒ္ဓရှင်တော် ခွင့်ပြုတော်မူလျှင်ကား သီလရှိသော ပုထုဇဉ် အရှင်များသည် သီဟိုဠ်ကျွန်းမှာပင် မရေမတွက်နိုင်အောင် များပြားရကား စေတီများ တည်ထားဖို့ရာ နေရာမလောက်ဘဲ ရှိပေလိမ့်မည်၊ ထိုမျှလောက် များပြားနေလျှင် ထူးခြား အံ့သြဖွယ်လည်း မဖြစ်တော့ရာ၊ ထို့ကြောင့် ပုထုဇဉ်အရှင်မြတ်တို့၏ အရိုးများကို စေတီ တည်ခွင့် ပြုတော်မမူ၊ ထို့ကြောင့် ယခုခေတ်ကာလ၌ ဘုန်းကြီး ပျံတော်မူလျှင် အရိုးအိုးစေတီ တည်ထားရိုးဖြစ်နေသော စနစ်ကို ပြင်သင့်ပြီ။

          “သီလရှိသော ပုထုဇဉ်အရှင်များ ပျံလွန်တော်မူသောအခါ ပရိနိဗ္ဗာန်စံတော်မူသော ရဟန္တာများကဲ့သို့ ကြီးကျယ်စွာ ပူဇော်နိုင်သည်”ဟု အဋ္ဌကထာက ဆို၏၊ ထိုသို့ ဆိုရာ၌ ယခုကာလလို ရက်ရှည် လများ ထား၍ မီးလောင်စရာ ဖြစ်သောကြောင့် “လောင်တိုက်”ဟု ခေါ်သော မီးလောင်စာ အကြီးအငယ် ကိုးဆယ်တစ်ရာ လောက်ဖြင့် ပူဇော်ရမည်ဟု မဆိုလို၊ ထိုပျံတော်မူရာ နေ့မှာပင် ပန်းနံ့သာ နံ့သာထင်းတို့ဖြင့် သင်္ဂြိုဟ်ပူဇော်ရမည်ဟု ဆိုလိုပေသည်။

အဋ္ဌကထာ      ။         ။         ပုထုဇ္ဇနဘိက္ခူနံ ဟိ ထူပေ အနုညာယမာနေ တမ္ဗပဏ္ဏိဒီပေ တာဝ ထူပါနံ သြကာသော န ဘဝေယျ၊ တထာ အညေသု ဌာနေသု၊ တသ္မာ အနစ္ဆရိယာ တေ ဘ၀ိဿန္တီတိ နာနုဇာနာတိ ၊ပေ၊ ပုထုဇ္ဇန သီလ၀တော ပန ပရိနိဗ္ဗုတဘိက္ခုနော ၀ိယ မဟန္တမ္ပိ သက္ကာရံ ကာတုံ ၀ဋ္ဋတိယေ၀။

ပျံတော်မမူဘဲ ရှိုးတော်မူမှာစိုးရပုံ

“ဘုန်းတော်ကြီး”ဟူသည် ရှေးဘ၀က ဗြဟ္မာ့ပြည်မှ စုတေခဲ့၍ ကာမဂုဏ်အပြစ်မြင်ကာ ရဟန်းပြု၍နေ၏၊ ထိုပုဂ္ဂိုလ်သည် (မေတ္တာ ဘာဝနာစသော ကမ္မဋ္ဌာန်းပေါက် ဈာန်ရ၍) စုတေသောအခါ မူလဌာန ဗြဟ္မာ့ပြည်သို့ပင် ပြန်သွားသောကြောင့် ဘုန်းတော်ကြီး စုတေသည်ကို “ပြန်တော်မူသည်”ဟု ခေါ်၏၊ တစ်နည်း… “ဘုန်းကြီးများ သည် ကောင်းမှုကုသိုလ် ထူးထူးထွေထွေ များပြားလှ၏၊ သီလသိက္ခာလည်း ကောင်းကြ၏၊ စုတေလျှင် ဘယ်နည်းမဆို (အထက်နတ်ပြည် ဗြဟ္မာ့ပြည်သို့) ပျံတက်ရမည်သာတည်း”ဟု ရှေးက ယူဆကြ၏၊ ထို့ကြောင့် စုတေသည်ကို “ပျံလွန်တော်မူသည်”ဟု ခေါ်ကြ၏၊ ထိုအခေါ်သည် သီလသိက္ခာနှင့် အမှန်ပြည့်စုံသော ဘုန်းတော်ကြီး များအတွက် မှန်ကန်သော အခေါ်ပင်တည်း။

         

ဒိစတြိတ်တစ်ခု၌ ဘုန်းကြီးတစ်ပါးကား ငွေတိုးပေး၍ စား၏၊ အသည်းအသန် မမာသောအခါ ငွေတိုးယူထားသော ရွာသားတို့က သူတို့စာရင်းကို ရှာကြ၏၊ မမာနေသော ဘုန်းကြီးသည် သူ့နေရာ၏ ကြမ်းပေါက်အောက်ကို အလွန်စူးစိုက်စွာ မကြာခဏ ကြည့်နေ၏၊ ဒကာတစ်ယောက်သည် ထိုကြည့်ပုံကို သဘောပေါက်၍ ထိုကြည့်ရာ မြေကို တူးလေရာ ရွှေငွေများစွာ ရလေသတဲ့၊ ဘုန်းတော်ကြီးလည်း မကြာမီပင် ပျံတော်မူလေ၏၊ ထိုဘုန်းတော်ကြီးမျိုးကား အထက်သို့ မပျံဘဲ အောက်သို့ ရှိုးတော်မူမှာ စိုးရလေသည်။

သတိပြုဖွယ်တွေ

ယခုအခါ မည်သည့် ဘုန်းကြီး, မည်သည့် ဆရာတော် ပျံလွန်တော်မူ၍ “သင်္ကန်းအစုံ ပေါင်း မည်မျှ, ငွေသား မည်မျှ, ကော်ဇော စသည်က မည်မျှ” စသည်ဖြင့် စာရင်းကြားရသည်မှာ ၀မ်းနည်းဖွယ် ကောင်းလှ၏၊ ဘုန်းကြီး ပီပီသသ နေလိုကြလျှင် ၀တ်လောက် သုံးစွဲလောက်ရုံမှ တစ်ပါး ရသမျှကို မရှိနွမ်းပါးသော တပည့် ရဟန်း သာမဏေများ ကိုသာ ဝေခြမ်း လှူဒါန်းသင့်၏၊ ငွေဆိုသည်မှာ လုံးလုံး ကိုယ်ပိုင် ထားကောင်းသောပစ္စည်း မဟုတ်၊ ထိုပစ္စည်းတွေကို တွယ်တာသော လောဘဇောဖြင့် စုတေစိတ်ကျပါမူ ““သာပေက္ခကာလံကြိယာ အတ္တနောယေ၀ ဂေဟေ ယက္ခကုက္ကူရ ၊ပေ၊ နိဗ္ဗတ္တနကာရဏံ ဟောတိ=ပစ္စည်းစသည် တွယ်တာလျက် သေရခြင်းသည် မိမိနေရာ အိမ်(ကျောင်း)၌ တစ္ဆေ ပြိတ္တာ ခွေး နွား ကျွဲ ကြက် ကြက် သန်း ကြမ်းပိုး စသည် ဖြစ်ရခြင်း၏ အကြောင်းဖြစ်၏””ဟု မဟာသုဒဿန သုတ္တဋ္ဌကထာ၌ မိန့်၏၊ ထို့ပြင် ဆရာဘုန်းတော်ကြီး ပျံတော်မူခါနီး၌ ကျောင်းတောင်းသူ ပစ္စည်းတောင်းသူများလည်း ဆရာကို အဆင်း တွန်းချသည်နှင့် တူလှ၍ စဉ်းစားစရာ ကောင်းပေသည်။

တင်ပြသူ Yanan Sanein အချိန် 7:28 AM