သန္တိသုခကို အတ္တလည်း မခံစား
တချို့ကမူ
သန္တိသုခကို မှန်းဆ၍ သဘောပေါက်ကြ၏၊ သို့သော် “ရုပ်လည်း မဟုတ်, နာမ်လည်းမဟုတ်၊ ရုပ်နာမ်ချုပ်၍
အနှစ် အမြုတေကဲ့သို့ ကျန်နေသော အတ္တရှိ၏၊ ထိုအတ္တသည်
သန္တိသုခကို ခံစား၏”ဟု တွေးဆကြ၏၊ တရားတော်အလို
အတ္တဆိုသော အရာသည်ပင် မရှိသောကြောင့် ထိုအတွေးအဆသည် အတွေးအဆမျှသာ ဖြစ်၏၊ မခံစားရဘဲ ချမ်းသာပုံကို
ဥပမာတစ်မျိုးဖြင့် ပြဦးအံ့…
အလွန်စည်းစိမ်ကြီးသော လူချမ်းသာတစ်ယောက်သည် တီးကြ မှုတ်ကြ ကခုန်ကြနှင့်
ယုယဖျော်ဖြေသူကလေးများ၏ အလယ်မှာ ထည်ထည်ဝါ၀ါ အိပ်ပျော်နေ၏၊ ဆင်းရဲသား လယ်သမားကလေး တစ်ယောက်ကား
နေပူကျဲတောက် သစ်ပင်အောက်၌ လယ်ကန်သင်းရိုးကို ခေါင်းအုံးကာ အိပ်ပျော်နေရှာ၏၊ အိပ်ပျော်ချိန်၌ ထိုနှစ်ယောက်လုံးပင် ဘာမျှ မခံစားကြရ၊
အိပ်ရာမှ နိုးကြသော် ကိုယ်စီကိုယ်င “အိပ်ရ-ကောင်းလိုက်တာ”ဟု ကျူးရင့်ကြ၏၊ ဘာ ကောင်းသလဲ၊
အေးငြိမ်းချမ်းသာသော အကောင်းပင် မဟုတ်ပါလော၊ ထိုအကောင်းကို မည်သည့် အတ္တမျှ မခံစားပါ။
ရုပ်နာမ်အပြစ်မြင်မှ သန္တိအကျိုးထင်
အခါတစ်ပါး၌
ဘုန်းကြီး၏ ဖြစ်ပျက်ပုံကို ရေးပြဦးမည်၊ မိဘမျိုးရိုးနှင့်တကွ ပစ္စည်း ဥစ္စာ ဉာဏ် အရည်အချင်း
အထက်တန်း ကျသော တပည့် ကိုရင်ကလေး တစ်ပါးသည် ဆောင်းအခါ၌ ၀မ်းရောဂါလိုလို ဖြစ်နေ၏၊ ဘုန်းကြီးကား
သူ့ဆွေမျိုး ဉာတိများနှင့် ဆရာရင်းများကို တွေး၍ (တကယ်လို့ မတော်တဆဖြစ်လျှင်ဟု စဉ်းစားကာ)
လွန်စွာကြီးသော တာဝန်တစ်မျိုး ဖြစ်လာ၏၊ ဆိုင်ရာ ဆေးဝါးနှင့် အစောင့်အရှောက်ထား၍ အိပ်သော်လည်း
တစ်ခဏမျှသာ အိပ်ပျော်ပြီးနောက် နိုးလာ၏၊ အခါကား ဆောင်းလအခါ ဖြစ်၏၊ အလွန်ချမ်းသောအခါဝယ်
မကြာခဏ ထ၍ ကြည့်မိ၏။
အိပ်ရာနားထိုင်၍ စဉ်းစားမိသည်မှာ… ယခု ဖြစ်ရသော စိတ် ဒုက္ခ ကိုယ်ဒုက္ခသည်
တပည့်ခေါ်သော ရုပ်နာမ်ခန္ဓာကိုယ်ကြောင့်သာ ဖြစ်ရ၏၊ သူတို့ မရှိလျှင် ဤဒုက္ခမျိုး မဖြစ်ရ၊
သူတို့ မရှိ၍ ငါချည်း အမြဲဖြစ်နေမလား, ဒီလိုလည်း မနေသာ၊ “အင်း … သူတို့လည်း မပါ, ငါဆိုတဲ့
ရုပ်နာမ်ခန္ဓာလည်း မရှိမှသာ ဤလို ဒုက္ခမျိုးမှ လုံးဝ ကင်းပေတော့မည်”ဟု သဘောပေါက်ကာ ရုပ်နာမ်
လုံးဝ မရှိဘဲ အေးမြမည့် နိဗ္ဗာန်အရသာကို မှန်းဆနိုင်ခဲ့သည်။
စာရှုသူအားလုံးလည်း ပြခဲ့သော အစဉ်ကို ရှု၍ ဖြစ်စေ, ရုပ်နာမ် ခန္ဓာ
(သံယောဇဉ်)များကြောင့် ဒုက္ခရောက်သောအခါဖြစ်စေ ရုပ်နာမ်ချုပ်ငြိမ်းသော နိဗ္ဗာန်ကို မှန်းဆကာ
မခံစားရဘဲ ချမ်းသာ သော သန္တိသုခကို သဘောပေါက်နိုင်ပါလိမ့်မည်။ [သန္တိ=ငြိမ်းအေး သော
+ သုခ = ချမ်းသာ။]
Credit to
No comments:
Post a Comment