ချစ်သားရဟန်းတို့ ...။ ရတနာသုံးတန် ကံ-ကံ၏အကျိုးတရား စသည်တို့ အ
ပေါ်၌ ယုံကြည်ချက် သဒ္ဓါတရားဖြင့် အလှူဒါနကို ပေးလှူခြင်းကြောင့် အကြင်
အကြင် ဘုံဘ၀၌ ထိုအလှူဒါန၏ တစ်နည်း ထို အလှူဒါန ကောင်းမှု ကုသိုလ်
ကံ စေတနာ၏ အကျိုးတရားသည် ဖြစ်ပေါ်၍လာ၏။ အကျုိးတရား ဖြစ်ပေါ်
လာရာ ထိုထိုဘုံဘ၀၌ ကြွယ်ဝချမ်းသာသည်လည်း ဖြစ်၏။ များပြားသော ဥစ္စာ
နှစ် ရှိသည်လည်းဖြစ်၏။ များပြားသော အသုံးအဆောင်ရှိသည်လည်း ဖြစ်၏။
ဘယ်ဒါနမဆိုပါဘဲ၊ ဒါနရဲ့စွမ်းအားက ‘ဒါနတောဘောဂ၀ါ’ ဆိုတဲ့အတိုင်း ဒီဒါန
ကြောင့် အကျိုးတရားတွေကတော့ ကြွယ်ဝချမ်းသာတဲ့ အကျိုး, စည်းစိမ်ဥစ္စာ
ပေါများတဲ့အကျိုး ဆိုတာကတော့ ရရှိမှာ ဧကန် ဖြစ်ပါတယ်။ သံသရာခရီး ဆို
တာလည်း ထင်ရှား ရှိနေကြမယ်, ဒီကံတွေကလည်း ရင့်ကျက်လာပြီ ဆိုရင်
တော့ တစ်နေ့ ဒီလိုအကျိုးမျိုးကို ပေးမှာပဲ။ သို့သော် ဒီနေရာမှာ ယုံကြည်ချက်
သဒ္ဓါတရားနှင့် ပေးလှူလိုက်တဲ့ အလှူဒါနကြောင့် ဒီအကျိုးတွင် ရမလားဆို
တော့ မကသေးဘူးနော်။
အလွန် ရုပ်အဆင်းလှသည်လည်းဖြစ်၏။ ရှုချင်စဖွယ် ရှိသည်။ ကြည်ညိုဖွယ်
ဂုဏ်ကို ဆောင်နိုင်သည်။ လွန်မြတ်သော အဆင်းလုံးရပ် သဏ္ဌာန်နှင့် ပြည့်စုံ
သည် ဖြစ်၏။
ရတနာသုံးတန် ကံ-ကံ၏အကျိုးတရား စသည်တို့ အပေါ်၌ ယုံကြည်ချက် သဒ္ဓါ
တရား, စိတ်ကြည်နူးမှု သဒ္ဓါတရား အပြည့်အ၀ဖြင့် ပေးလှူလိုက်တဲ့အတွက် ဒီ
ဒါနက အကျိုးပေးတဲ့ ဘုံဘ၀မှာ စည်းစိမ်ဥစ္စာ ကြွယ်ဝချမ်းသာရုံတွင်မက ထို
ပုဂ္ဂိုလ်ဟာ ရုပ်အဆင်းက အလွန် လှပတင့်တယ်တယ်။ ကြည့်ရှုဖွယ်သိပ်
ကောင်းတယ်။ ကြည့်လို့ သိပ်ကောင်းတယ်။ သူ့ကို ကြည့်လိုက်လျှင် စိတ်ထဲ
မှာ ကြည်လင်လာတယ်။ ကြည်ညိုဖွယ်ဂုဏ်ကို ဆောင်နိုင်တဲ့ ရုပ်အဆင်း ဥပဓိ
သမ္ပတ္တိနှင့်လည်း ပြည့်စုံတယ်။ လွန်မြတ်သော အသားအရေ အရောင်အဆင်း
နှင့်လည်း ပြည့်စုံတယ်၊ လွန်မြတ်သော လုံးရပ်သဏ္ဌာန်နဲ့လည်း ပြည့်စုံတယ်။
အချိုး သိပ်ကျတယ်။ သို့သော် ဒီလို အကျိုးတရားတွေဟာ ယုံကြည်ချက် သဒ္ဓါ
တရားနဲ့ လှူတဲ့ အလှူဒါနရဲ့ အကျိုးတရားတွေပဲ။
ဘာကြောင့် ဒီအကျိုးတရားတွေကို ရရှိကြရသလဲလို့ ပြန်ဆန်းစစ်ကြည့်လိုက်
တဲ့အခါမှာ --
သဒ္ဓါတရား အားကောင်းနေတဲ့ ပုဂ္ဂိုလ်က ပေးလှူနေတဲ့ အချိန်အခါမှာ ရတနာ
သုံးပါးတို့ရဲ့ ဂုဏ်ကျေးဇူး အပေါ်မှာလည်း ယုံကြည်မြတ်နိုးတဲ့ စိတ်ထား ရှိ
တယ်။ ကံ-ကံ၏ အကျိုးတရားအပေါ်မှာလည်း သက်ဝင်ယုံကြည်တဲ့ သဒ္ဓါတ
ရား ရှိတယ်။ အထူးသဖြင့် အလှူခံပုဂ္ဂိုလ်တို့ အပေါ်၌ မြတ်နိုးတဲ့ စိတ်ထား အ
မြဲရှိတယ်။ ဒီလို မွန်မြတ်တဲ့ စိတ်ထား၁ယ မြတ်နိုးတဲ့ စိတ်ထား, သာသနာတော်
ကို ကြည်ညိုမြတ်နိုးနေတဲ့ စိတ်ထားဖြင့် ကံကိုထူထောင်ခဲ့တဲ့အတွက် ဒီကံ
က အကျိုးပေးတဲ့ ဘုံဘ၀မှာ မိမိကို သူတစ်ပါးတို့က မြတ်နိုးဖို့ရန်အတွက် မိမိ
ရဲ့ ဥပဓိသမ္ပတ္တိတွေက အဆင်သင့် ဖြစ်နေတယ်။
သို့သော် တစ်ဖက်က ယုံကြည်ချက် သဒ္ဓါတရားမရှိဘဲနဲ့ ပေးလှူလိုက်တဲ့ အလှူ
ဒါနတစ်ခု ဖြစ်ခဲ့မယ်ဆိုရင် အဲဒီပုဂ္ဂိုလ်က ရုပ်အဆင်းက လှပတင့်တယ်မှု မရှိ
တော့ဘူး။ ဘုန်းကြီးရဲ့ မိတ်ဆွေတစ်ပါး ပြောသလိုပေါ့လေ “အသား ကြည့်
လိုက်တော့လည်း သပိတ်ရောင်၊ လည်ပင်းကြည့်လိုက်တော့လည်း ဖားလည်
ပင်း၊ ခါး ကြည့်လိုက်တော့လည်း လိပ်ခါး” ဆိုတဲ့ ပုံစံ ဖြစ်နေတတ်တယ်။
ရုပ်ဆင်းသဏ္ဌာန်နှင့် မပြည့်စုံဘူး။ ဘာဖြစ်လို့လဲ?
တစ်ချိန်တုန်းက ကုသိုလ်ကောင်းမှုတစ်ခု ပြုခဲ့စဉ် အချိန်အခါမှာ စိတ်ဓာတ်တွေ
က ကြည်ကြည်လင်လင် မရှိဘူး။ ယုံကြည်ချက် သဒ္ဓါတရား အားကောင်း
ကောင်းနဲ့ ပြုခဲ့တဲ့ အလှူဒါနမျိုးလည်း မဟုတ်ဘူး။ အလှူခံပုဂ္ဂိုလ် များထိုထို
တို့ အပေါ်၌ ကြည်ညိုမြတ်နိုးတဲ့စိတ်ထားနှင့် ပြုစုပျိုးထောင်ခဲ့တဲ့ အလှူဒါန
ကောင်းမှုကုသိုလ်မျိုးလည်း မဟုတ်ပြန်ဘူး။ မဟုတ်တဲ့အတွက် ဒီကံက အကျိုး
ပေးတဲ့ ဘ၀မှာ ပုံပန်းမကျ ဖြစ်နေရတယ်။ အလှူခံပုဂ္ဂိုလ် အစရှိတဲ့ ထိုထိုပုဂ္ဂိုလ်
တို့အပေါ်၌ မိမိက ပုံပန်းမကျတဲ့စိတ်နေစိတ်ထားဖြင့် ကံကို ထူထောင်ခဲ့မိတဲ့အ
တွက် ဒီကံက အကျိုးပေးတဲ့ဘ၀မှာ မိမိကိုလည်း တစ်ဖက်သားက လှမ်းကြည့်
မယ်ဆိုရင် ပုံပန်းမကျတဲ့ ပုဂ္ဂိုလ် အနေအထားမှာပဲ ရှိနေတယ်။
ဒါကြောင့် ဘုန်းကြီးရဲ့ ဆရာသမားတစ်ဦးကတော့ ဆိုဆုံးမဖူးတယ်။ ကောင်း
မှုကုသိုလ်တစ်ခု မပြုခင်မှာ ကြိုတင်ပြီး စဉ်းစားပါ။ စိတ်က မနိုင်ဘူးဆိုရင်တော့
မပြုတာ ကောင်းတယ်၊ ပြုပြီးလို့ ကံအရာ တည်သွားပြီဆိုရင် ဒီကံဟာ ပြန်ပြီး
ဖျက်သိမ်းဖို့ သိပ်ခက်တယ်၊ ဒီကံကရင့်ကျက်လာပြီဆိုရင် တစ်နေ့ အကျိုးပေးမှာ
ပဲ။ အဲဒီလို အကျိုးပေးတဲ့ ဘုံဘ၀ကျမှ ဒီမကောင်းတဲ့ အကျိုးတရားတွေကို မိမိ
ကို ‘အလိုမရှိပါဘူး’ ဆိုပြီး ထိုင်ငိုနေသော်လည်း ရဦးမလား? မရနိုင်တော့ဘူး။ အ
ရုပ်ဆိုးတဲ့ လူဟာအရုပ်ဆိုးမြဲပဲ ဆိုးနေမှာပဲ။ ဟုတ်တယ် မဟုတ်ဘူးလား?
ဖားအောက်တောရဆရာတော်
Buddhavasa Tiloka
No comments:
Post a Comment